समाधियाँ दे परदेस च

एम.आई-26 हेलीकॉप्टर दी सुआरी हैलीकॉप्टर दे अंदर लद्दोयो ईंधण दे बैरल बड़िया पक्याइया नै बंधोयो थे।  तित्थू बैठणे तांईं कोई सीट नीं थी।  मैं कनै मेरा साथी जुआन बैरलां कन्नै खड़ोई गै। असां जो पहले ते ही बस कनै ट्रैन च खड़ोई करी सफर करने दी आदत जे थी।  इतणे च ही इक-इक करी नै  हैलीकॉप्टर दे चालक दल दे मेंबर उप्पर चढ़े कनै केबिन दा दरवाजा खोली करी सारे अंदर चली गै पर असां दोयो तित्थू दे तित्थू ही खड़ोई रैह् थे। थोड़िया कि देरा परंत केबिन दा दरवाजा अंदरा ते फिरी खुल्लेया कनै हैलीकॉप्टर दे कमांड़र होरां असां जो अंदर औणे दा इशारा कित्ता था।  दरअसल सैह् असां दे अंदर ओणे जो निहागा दे थे पर जाह्लू असां अपणे आप अंदर नीं गै तां तिन्हां जो असां जो सदणा पिया था।  अंदर जाई करी असां दिखेया हैलीकॉप्टर दा पायलट केबिन इक खासे-भले कमरे जितणा था कनै एयर कंडिशन्ड भी था। जुलाई महीने दी तेजपुर (असम) दिया चिपचिपी गर्मिया ते अराम मिल्लेया।  केबिन च वायु सेना दे दो पायलट, इक नेविगेटर कनै इक फ्लाइट इंजीनियर अपणे-अपणे कम्मे च मगन थे। एम आई-26 दुनिया दा अज्ज तिकर बणेह्या सब ते बड्डा हैल...

कोससाँ―मुस्कलाँ दियाँ चाबियाँ अगले दिन भ्यागा, वायदे दे मताबक तकरीबन 10 बजे उप-कमाण अफसर होरां ट्रांजिट कैम्प च आए थे। कैम्प दे अफसर कमांडिंग कन्नै गल्ल करी नै सैह् मिंजो कैम्प ते कड्ढ़ी करी अप्पू सौगी हेलीकॉप्टरां वाळी यूनिटा च लई गै थे।  असम च बरसाती दिया गर्मिया च नमी होणे दिया बजह ते बड़ी चिपचिपी लगदी थी।  उमस बेचैन करदी थी।  ट्रांजिट कैम्प च कटियां पिछलियां रातां बड़ियां कशेस भरियां थियां। इक तां जिस्म जळाणे वाळी गर्मी दूजा मेरे नेड़ें छत्ती गास कोई पंखा भी नीं था। नोंइंया जगह मंजे ऊपर घुमदा पंखा बड़ा सकून देणे वाळा लग्गेया था।  संझा मिंजो उप-कमाण अफसर होरां दा स्नेहा मिलेया था। मिंजो अगले दिन तिन्हां सौगी मिसामारी च खिंडरेयो यूनिट देयां जुआनां नै मिलणा जाणा था जिन्हां दा ब्यौरा मैं ट्रांजिट कैम्पे च तियार कित्तेया था।  असां गै तां ज़रूर पर जुआनां नै मिलणे दी म्हारी कोस्त कामयाब नीं होई किञा कि जाहलू तिकर असां तित्थु पूज्जे तिन्हां जो तिसते पहलें ही दतैलू करने ते बाद बख-बख कम्मां तांईं बखरियां-बखरियां ठाहरीं जो भेजी दित्तेया था। पर ये पता लगी गिया कि सैह् त...

किछ खास गल्ल होणा जरूरी है ये गल्ल सन् 1989 दी है। जुलाई दा महीना था। मैं राजस्थान च तैनात इक तोपखाना ब्रिगेड हेडकुआटर ते बदळी होई करी अरुणाचल प्रदेश च भारत-चीन बार्डर पर तैनात भारत दिया फ़ौजा दे तोपखाने दिया इक फील्ड रेजिमेंटा च जाह्दा था।  अरुणाचल प्रदेश जो पहलैं नेफा ग्लांदे थे। नेफा दी धरत 1962 दी भारत-चीन जंग च असां दे बहादर फौजियां दियां कुर्बानियां दी गुआह है जिन्हां व्ह्ली न तां ढंग दे कपड़े थे, न हथियार, न ही गोळा-बरूद।  नई दिल्ली ते नार्थ ईस्ट एक्सप्रेस च बैठी करी मैं लम्में सफरे परंत असम दे रंगिया रेलवे टेशने पर उतरेया था। तित्थू ते मैं मिसामारी तांईं रेल गड्डी पकड़ी। एह् गड्डी तेजपुर तिकर जांदी थी।मिसामारी तेजपुर ते पहलैं पौंदा है। बाद च रंगिया-तेज़पुर रेल लैंण उग्रवादियां दे हमलेयां दिया बजह ते बंद करना पई गई थी।  तिन्हां दिनां च मिसामारी च फ़ौजा दा इक ट्रांजिट कैम्प होंदा था।  अरुणाचल प्रदेश दे तवांग दे पासैं तैनात फ़ौजा दियां यूनिटां देयां जुआनां दा औंण-जांण इस कैम्पे दे थरू ही कंट्रोल होंदा था।  मिसामारी ट्रांजिट कैम्प च पूजदेयां ही मिजों पता...