समाधियाँ दे परदेस च

सर्विसेज सिलेक्शन बोर्ड फौज च कमीशन न पाई सकणे दी वजहाँ च मेरा ‘ऊंचाई ते डर’ इक खास वजह रही। इस गल्ल दा पता मिंजो ताह्लू चल्लेया जाह्लू जूनियर कमीशन्ड अफसर बनणे ते परंत मेरी नियुक्ति इक ‘सर्विसेज सिलेक्शन बोर्ड’ च ‘जूनियर एग्जामिनर’ दे तौर पर होई।  मैं तिसा नियुक्तिया च 1993 ते लई करी 1997 तिकर कम्म कित्ता। मैं तित्थु नायब सूबेदार दे रैंक च गिया था कनै तित्थु ही मिंजो सूबेदार दे रैंक दा प्रमोशन  मिल्ला था।  तिस नियुक्ति ते पहलैं मिंजो ‘रक्षा मनोवैज्ञानिक अनुसंधान संस्थान’ दिल्ली च थोड़े जेहे समैं ताँईं इक ट्रेनिंग ताँईं चुणेया गिया था।  फौज च सारेयाँ अफसराँ जो  ‘सर्विसेज सिलेक्शन बोर्ड’ दे इंटरव्यू ते होई करी गुजरना पोंदा है।  ‘सर्विसेज सिलेक्शन बोर्ड’, इंटरव्यू करी नै, सेना हेडकुआटर ते फौज च कमीशन लैणे ताँईं काबिल उम्मीदवाराँ दी सिफारिश करदे हन्न कनै सेना हेडकुआटर मेरिट दे मुताबिक तयशुदा गिणती च उम्मीदवाराँ जो ट्रेनिंग ताँईं अकादमियाँ च भेजदे हन्न।  तिस बग्त एह् इंटरव्यू, उम्मीदवाराँ दे ‘सर्विसेज सिलेक्शन बोर्ड’ च पोंह्चणे दे दिनें जो छड्डी करी, चार द...

  सर, इस च कितणे इंजण हन्न? जिंञा कि मैं इक जगह पहलैं भी जिक्र कित्तेह्या, हेलीकॉप्टर, जित्थु तिकर मुमकिन होंदा है, पहाडाँ दियाँ चूंड़ियाँ पर जाणे दे बजाय घाटियाँ दा रस्ता लैंदे हन्न कनै नदी-नाळेयाँ दे सहारें उड़दे हन्न। अरुणाचल प्रदेश च तंग घाटियाँ पाइयाँ जाँदियाँ हन्न। म्हारा चीता तवाँग ते निचले पासें  आया कनै तवाँग-चू दे सहारें उड़णा लग्गा। मिंजो ऊंचाइया ते डर लगदा है।  मेरे मने च नकारे ख्याल ओणा लगी पै थे।  मैं लेफ्टिनेंट कर्नल होराँ ते पुच्छी ही लिया था, ‘सर, इस च कितणे इंजण हन्न?’  तिन्हाँ मुंहएं ते किछ ग्लाणे दे बजाय अपणे हत्थे दी इक उंगळी खड़ेरी दित्ती थी।  मैं समझी गिया था, ‘चीते’ च इक्को ही इंजण था। असाँ तौळे ही अपणिया जगह तिकर सही सलामत पुज्जी जाह्ण मैं अपणे इष्टदेव कन्नै पराथना करना लगी पिया था।  जिंञा-जिंञा हेलीकॉप्टर अग्गैं बद्धदा जाह्दा था, उप-कमान अधिकारी होराँ खास-खास जगहाँ पासें अपणी उंगळी दा इसारा करी नै मिंजो तिन्हाँ दे नाँ दसदे जाह्दे  थे। मैं तिन्हाँ जगहाँ बक्खी दिक्खी नै अपणा सिर लाँह्दा जाह्दा था। लूम-ला, गोरसम कनै लुम्पो दे ...

  चीता हेलीकॉप्टर दी सुआरी तवाँग च मेरा छेवाँ दिन था।  मिंजो  किछ होर फौजियाँ सौगी, जिस्मानी जाँच ताँईं, एम.आई. रूम (मेडिकल इंस्पेक्शन रूम) च भेज्या गिया।  जाँच ते परंत फौज दे डॉक्टरें मिंजो 'लुम्पो' जाणे ताँईं फिट मन्नी लिया।  याद कराई दिंदा कि मेरी रेजिमेंट दा हैडकुआटर  लुम्पो च था कनै मैं तित्थु जाणा था।  सैह् जगह भारत-चीन सरहद गास पोंदी है।  मिंजो मेरे साथी जुआनाँ ते जाणकारी मिल्ली थी कि जनबरी सन् 1989 च जाह्लू यूनिट लुम्पो चढ़ी थी ताँ तवाँग ते पैदल चल्ली थी कनै दो दिन दे पैदल सफर ते परंत लुम्पो पोहंची थी। जुलाई औंदे-औंदे हालात थोड़े सुधरी गैह्यो थे। मिंजो दस्सेया  गिया कि 'लूमला' तिकर छोटी फौजी गड्डिया (ट्रक वन टन 4×4 निशान) लई जाणा, तिस ते गाँह्  पैदल हंडी करी तैह्ड़ी ही नेहरा होणे ते पहलैं 'गोरसम' होंदे होयाँ  लुम्पो जाई रैह्णा था।  मैं दिमागी तौर पर अपणे आप जो तिस सफर ताँईं तैयार करी लिह्या था।  तैह्ड़ी संझा तकरीबन छे बजे मिंजो स्नेहा मिल्ला कि मिंजो अगले दिन भ्यागा पंज बजे, सत्त होर जुआनाँ कन्नै लुम्पो ताँईं कूच कर...

  तू आई नै ताँ दस, छुट्टी मैं भेजगा फौज दे 'बैटल फिजिकल एफिशिएंसी टेस्ट' दा जिक्र होया ताँ तिस टेस्ट कन्नै जुड़ेह्यो इक होर  वाकया दी याद ताजा होई आई।  दिसंबर सन् 1978 दी गल्ल है, मैं फौज दे मध्यम तोपखाने दी इक रेजिमेंट कन्नै  दिल्ली कैंट च तैनात था। दिसंबर दा दूजा हफ्ता चल्लेह्या था। मेरी यूनिट दी ब्रिगेड कमाँडर दी सालाना इंस्पेक्शन होणे वाळी थी। तिस इंस्पेक्शन च खरा उतरने ताँईं सारेयाँ जो बहोत मेहनत करना पोंदी है। तिस यूनिट च पहली लड़ाकू बैटरी अहीराँ दी थी कनै बाकी दोह्यो लड़ाकू बैटरियाँ सिलसिलेवार राजपूताँ कनै सिखाँ दियाँ थियाँ।  मैं वीर अहीराँ सौगी था। तिस इंस्पेक्शन दे दौरान यूनिट दे सारेयाँ अफसराँ, सरदाराँ (जे.सी.ओ जो सरदार भी बोल्या जाँदा है) कनै जुआनाँ जो  'बैटल फिजिकल एफिशिएंसी टेस्ट' ते होई करी गुजरना पोंदा है।  तिस टेस्ट ते छूट सिर्फ तय उम्र ते बड्डेयाँ कनै मेडिकल कैटेगिरी डाउन फौजियाँ जो ही मिलदी है।  सैह् टेस्ट दो दिनाँ परंत होणे वाळा था। मेरी बैटरी दे सीनियर जे.सी.ओ, सूबेदार चंदरभान यादव साहब मेरे दफ्तर च बैठी करी तिन्हाँ फौजियाँ दी ...

  क्या मेळे च घुमणा आह्यो? थल सेना च प्रमोसन ताँईं कोई न कोई काडर क्लास, कोर्स जाँ म्तिहान पास करना पौंदा है।  एह् सर्त सब्भ अफसर, जेसीओ कनै अदर रैंक पर लागू होंदी है।  अफसराँ जो प्रमोसन एग्जाम पार्ट 'बी' कनै 'डी' बगैरा पास करना पौंदे हन्न।  सारे आर्म्स कनै सर्विसेज दे जेसीओ कनै अदर रैंक ताँईं प्रमोशन दे कायदे तकरीबन इक्को जेहे ही होंदे हन्न। तोपखाने दे इक गनर जो लाँस नायक बणनें ताँईं दुजियाँ शर्तां दे इलावा इक  पोटेंशियल एन.सी.ओज काडर क्लास पास करनी पौंदी है। इस तरहाँ ही नायक ते हौळदार कनै हौळदार ते नायब सूबेदार दे प्रमोशन ताँईं, होर शर्तां दे इलावा, लग-लग काडर क्लास पास करने होंदे हन्न।  सन् 1980 ते पहलैं जेसीओ कनै अदर रैंकाँ जो प्रमोसन दे बड़े घट मौके मिलदे थे। सन् 1980 च  जाह्लू जनरल ओ.पी. मल्होत्रा दे सेनाध्यक्ष कार्यकाल च होए काडर रिव्यू जो लागू कित्ता गिया ताँ धड़ल्ले नै प्रमोसनाँ  दे दरवाजे खुली गै। नोंई प्रमोसन पॉलिसी दे अनुसार इक गनर जो प्रमोट होंणे ताँईं पोटेंशियल एन.सी.ओज  काडर क्लास पास करना ज़रूरी था। ज्यादातर ट्रेडां दा प्रमोसन य...